Top klublar Reşfordu almaqda maraqlı deyil

Avropanın aparıcı klublarından heç biri “Mançester Yunayted”in hücumçusu Markus Reşfordu transfer etməkdə maraqlı deyil.

90deqiqe.Az "Sky Sports"a istinadən xəbər verir ki, 27 yaşlı futbolçunun meydandan kənarda qalmaqallı davranışı, zəif performansı və böyük maaşı səbəbindən top-klublardan heç biri onu transfer etmək istəmir.

İngilis futbolçu bu yaxınlarda transferə çıxarılıb.

Mətbuatda PSJ-nin hücumçunu almaq istəməsi ilə bağlı xəbərlər yayılsa da, Fransa çempionu fikirlərini dəyişib.

Xatırladaq ki, bu mövsüm Markus Reşford İngiltərə çempionatında "qırmızı şeytanlar"ın heyətində 15 oyun keçirib və bu oyunda 4 qol vurub və bir məhsuldar ötürmə edib. Forvardın iki sarı vərəqəsi də var.