"Mən yeni çağırışa hazıram"

"Mançester Yunayted"in hücumçusu Markus Reşford komandadakı gələcəyi ilə bağlı açıqlama verib.

90deqiqe.Az xəbər verir ki, jurnalist Henri Vinter ingilis forvardın dediklərini belə çatdırıb.

“Şəxsən mən yeni çağırışa və növbəti addımlara hazır olduğumu düşünürəm. Mən gedəndə heç bir ağır hisslər olmadan keçəcək. Məndən “Mançester Yunayted”lə bağlı heç bir mənfi rəy almayacaqsınız. Mən belə bir insanam. Vəziyyətin onsuz da pis olduğunu bilsəm, daha da pisləşdirməyəcəyəm. Mən keçmişdə başqa oyunçuların getdiyini görmüşəm və belə olmaq istəmirəm. Gedəndə açıqlama verəcəm, məndən olacaq.

Karyeramın yarısındayam. İndi zirvəmin gələcəyini gözləmirəm. Doqquz ili Premyer Liqada keçirdim və bu, mənə çox şey öyrətdi, həm oyunçu, həm də bir insan kimi böyüməyə kömək etdi. Ona görə də son doqquz il ərzində heç bir peşmançılıq hissi keçirməmişəm. Gələcəkdə peşman olmayacam, çünki hər şeyi günü-gündən götürürəm və bəzən pis şeylər olur, bəzən yaxşı şeylər olur. Mən sadəcə zərif tarazlığı qorumağa çalışıram. Ən yaxşısı hələ qarşıdadır? 100%. Bu, mənim mentalitetimdir"