"Reşfordu buraxmaq mənim qərarımdır"

"Mançester Yunayted"in baş məşqçisi Ruben Amorim hücumçu Markus Reşfordun komanda ilə gələcəyi ilə bağlı sualı cavablandırıb.

90deqiqe.Az xəbər verir ki, jurnalist Fabrizio Romano portuqaliyalı çalışdırıcının dediklərini belə çatdırıb.

“Reşfordu buraxmaq mənim qərarımdır.Oynamaq istəyir, çalışır. Amma bu mənim qərarımdır, tək mənim.Mən hər şeyi öz yolumla edirəm və bu, uğura aparan yeganə yoldur. Bunu etməsəm, özümü itirəcəm”

Bu mövsüm 27 yaşlı Rashford bütün turnirlərdə 24 matçda meydana çıxıb, 7 qol vurub və 3 məhsuldar ötürmə edib. Qeyd edək ki, Amorim son üç oyunda Reşfordu heyətə daxil etməyib.