Qvardiola Savionun çıxışını yüksək qiymətləndirib

"Mançester Siti"nin baş məşqçisi Pep Qvardiola komandanın cinah oyunçusu Savionun çıxışı ilə bağlı fikirlərini bölüşüb.

90deqiqe.Az xəbər verir ki,  jurnalist Fabrizio Romano ispan çalışdırıcının dediklərini belə çatdırıb.

 "Mən Saviodan çox razıyam.O, bizə kömək edən inanılmaz qabiliyyətlərə və keyfiyyətlərə malikdir.Savio üçün, onun oyununa, qola və ötürmələrə görə çox xoşbəxtəm".

İngiltərə çempionatının 19-cu turunun “Lester”lə oyununda (2:0) 20 yaşlı Savio “Mançester Siti”nin heyətində debüt qolunu vurub, həm də məhsuldar ötürmə edib.Bu mövsüm futbolçu bütün turnirlərdə 24 matçda iştirak edib, bir qol vurub və altı məhsuldar ötürmə edib.