"Mançester Yunayted"in Premyer Liqadan düşmə ehtimalı nə qədərdi?

Bu mövsümün sonunda "Mançester Yunayted"in İngiltərə Premyer Liqasından aşağı düşmə ehtimalı müəyyənləşib.

90deqiqe.Az "Opta Sport"a istinadən xəbər verir ki, “qırmızı şeytanlar”ın aşağı liqaya düşməsi 0,11% qiymətləndirilib.

"Mançester Yunayted" hazırda Premyer Liqanın turnir cədvəlində 19 oyundan 22 xalla 14-cü pillədə qərarlaşıb. Mankunianların aşağı liqa zonasından üstünlüyü 7 xaldır.

Daxili çempionatın növbəti oyununda Ruben Amorimin yetirmələri lider “Liverpul”la qarşılaşacaq. Oyun Enfild stadionunda baş tutacaq, baş hakimin start fiti Bakı vaxtı ilə saat 20:30-da səslənəcək. Qeyd edək ki, İngiltərə Premyer Liqasının son beş oyununda “Yunayted” dörd dəfə məğlub olub.