"Arsenal" "Bavariya"nın oyunçusuna göz dikib

"Arsenal" qış transfer pəncərəsində heyətini gücləndirmək istəyir.

90deqiqe.Az "TodoFichajes"ə istinadən xəbər verir ki, Bukayo Sakanın ciddi zədələnməsi London klubunu hücum xəttini necə gücləndirmək barədə düşünməyə vadar edir.

“Topçular” “Bavariya”dan cinah oyunçusu Kinqsli Komanı transfer etməyi düşünür.

Eyni zamanda, digər klubların da Komanla, xüsusilə Səudiyyə Ərəbistanının “Əl-Hilal” klubu ilə maraqlandığı qeyd edilir.

Hər şey danışıqlardan və futbolçunun mövqeyindən asılı olacağı gözlənilir.

28 yaşlı Kinqsli Komanın "Bavariya" ilə hazırkı müqaviləsi 2026/2027 mövsümünün sonuna qədərdir.