Salah müqavilə vəziyyətindən narahat olmadığını bildirib

"Liverpul"un hücumçusu Məhəmməd Salah müqavilə vəziyyətindən yayınmamağa çalışdığını bildirib.

90deqiqe.Az xəbər verir ki, "Sky Sports" misirli forvardın dediklərini belə çatdırıb.

"Beynimdəki fikir belədir: Əgər bu, "Liverpul"da keçirdiyim son altı aydırsa, gələcəkdə nə görmək istərdim? Geriyə baxıb müqavilə ilə bağlı narahat olduğumu və ya stress keçirdiyimi söyləmək istəyirəmmi? Yoxsa geriyə baxıb inanılmaz bir mövsüm keçirdiyimi söyləmək istəyirəm? Bunlar mənim fikirlərimdir. Əgər diqqətimi yayındırmağa başlasam, sadəcə olaraq geriyə baxıb inanılmaz bir mövsüm keçirdiyimi söyləmək istədiyimi xatırladıram”

Misirlinin hazırkı müqaviləsi 2024/2025 mövsümünün sonuna kimidir. "Liverpul" Premyer Liqanın və Çempionlar Liqasının lideridir.