"Mançester Yunayted" Diallo ilə müqaviləni uzadıb

Gənc cinah oyunçusu Amad Diallo "Mançester Yunayted"lə yeni müqavilə imzalayıb.

90deqiqe.Az xəbər verir ki,  bu barədə “qırmızı şeytanlar”ın mətbuat xidməti məlumat yayıb. 22 yaşlı futbolçu ingilis nəhəngi ilə 2030-cu ilin iyunun sonuna kimi yeni müqavilə imzalayıb.

Diallo 2021-ci ilin yanvarında "Mançester Yunayted"ə keçib. Bu mövsüm o, bütün turnirlərdə 28 matçda iştirak edib, 6 qol vurub və 7 məhsuldar ötürmə edib. Transfermarkt-ın məlumatına görə, Diallonun dəyəri 25 milyon avrodur. Yanvarın 12-də İngiltərə Kubokunun 1/8 finalında "Mançester Yunayted" səfərdə "Arsenal"la qarşılaşacaq. Görüşün Bakı vaxtı ilə saat 19:00-da başlaması planlaşdırılır.