Zirkzi "Mançester Yunayted"də qalmaq istəyir

"Mançester Yunayted"in mərkəz hücumçusu Coşua Zirkzi qış transfer pəncərəsində komandanı dəyişmək fikrində deyil.

90deqiqe.Az xəbər verir ki, bu barədə jurnalist Florian Plettenberg "X" sosial şəbəkəsində (keçmiş Twitter) yazıb. 

O 23 yaşlı futbolçunun “Mançester Yunayted”ə qalmaq istədiyini və cari mövsümün ikinci yarısında özünü sübut etməyə çalışacağını bildirib.

"Yuventus"un niderlandlı forvardı izləməyə davam etdiyi , lakin tərəflər arasında hələlik heç bir danışıqlar aparılmadığı da diqqətə çatdırılıb.

Bu mövsüm Zirkzi bütün turnirlərdə 28 matçda meydana çıxıb, dörd qol vurub və iki məhsuldar ötürmə edib. Hücumçunun "Mançester Yunayted"lə müqaviləsi 2029-cu ilə qədərdir. Transfermarkt mütəxəssisləri futbolçunun dəyərini 42 milyon avro qiymətləndirir.