'Sels mövsüm boyu yaxşı oynadı'

"Liverpul"un baş məşqçisi Arne Slot "Nottingem Forest"in qapıçısı (1:1) Mats Selsin çıxışından danışıb.

90deqiqe.Az xəbər verir ki, "BBC Sport" niderlandlı çalışdırıcının dediklərini belə çatdırıb.

“O, “Enfild”də və mövsüm boyu yaxşı oynadı. Ancaq mən təkcə qapıçını qeyd etmək istəmirəm, onlar komanda şəklində müdafiə olundular və buna görə də hər topun altına ataraq ikinci qolu buraxmamağa layiqdilər. Döyüşdülər və azarkeşlər ucadan alqışlarla onlara kömək etdilər. Lakin biz çoxlu sayda şans yarada bildik, bu, əlbəttə ki, məni sevindirir”

Qeyd edək ki, "Liverpul" matçın əvvəlində qol buraxsa da, ikinci hissədə portuqaliyalı Dioqo Jotanın səyi nəticəsində hesabı bərabərləşdirə bilib. Slotun komandası İngiltərə Premyer Liqasının turnir cədvəlinə başçılıq etməkdə davam edir.