"Çelsi" Çalobanı vaxtından əvvəl icarədən geri çağırdı

"Çelsi"nin müdafiəçisi Trevoh Çalobah "Kristal Pelas"dan geri çağırılıb.

90deqiqe.Az xəbər verir ki, bu barədə jurnalist David Ornstein "X" sosial şəbəkəsində (keçmiş Twitter) yazıb. 

O London klubunun 25 yaşlı futbolçunun mövsümün ilk yarısından sonra qayıtmasına imkan verən icarə müqaviləsindəki bəndi aktivləşdirməyə hazırlaşdığını qeyd edib.

Çalobahın icarəsi əvvəlcə 2025-ci ilin may ayına qədər davam etməli idi. O, “Kristal Pelas”da 14 oyun keçirib, 3 qol vurub. Keçirilən 21 oyunun nəticəsinə əsasən, "Çelsi" İngiltərə Premyer Liqasının turnir cədvəlində 37 xalla 4-cü yerdədir. "Kristal Pelas" Premyer Liqada 20 oyundan sonra 21 xalla 15-ci pillədə qərarlaşıb.