Timber çempionluq mübarizəsindən danışdı

“Arsenal”ın futbolçusu Jurrien Timber “Liverpul”la çempionluq mübarizəsi ilə bağlı açıqlama verib.

90deqiqe.Az xəbər verir ki, "TNT Sports" 23 yaşlı futbolçunun dediklərini belə çatdırıb.

“Məncə, onlar sonuncu dəfə xal itirəndə biz də xal itirdik. Bu, bir stimuldur, lakin eyni zamanda, yalnız özünüzə diqqət etməlisiniz. Biz sadəcə öz matçımızda qalib gəlməliyik, əks halda rəqiblərimizin səhvləri əhəmiyyət kəsb etməyəcək"

Çərşənbə axşamı Mersisaydlılar Premyer Liqada səfərdə "Nottingem Forest"i məğlub edə bilməyib (1:1). Bu gün eyni “Liverpul” və “Forest”dən sonra cədvəldə üçüncü yeri tutan “topçular” bundan yararlana bilər. "Arsenal" - "Tottenhem" matçı Bakı vaxtı ilə saat 00:00-da başlayacaq.