"Bu nəticəni qəbul etmək çətindir"

"Sauthempton"un qapıçısı Aaron Ramsdeyl "Old Trafford"da "Mançester Yunayted"lə oyundakı uğursuzluqdan (1:3) sonra emosiyalarını bölüşüb.

90deqiqe.Az xəbər verir ki, "TNT Sports" 26 yaşlı qolkiperin dediklərini belə çatdırıb.

 “Bəlkə də bu, bütün mövsümümüzün bir nümunəsidir. 75 dəqiqə yaxşı idik. Bəzən bəxtimiz gətirsə də, əldən verilmiş dəqiq qol imkanları da oldu. 1-3 hesabı ilə məğlub olmağa layiq deyildik.Bu nəticəni qəbul etmək çətindir"

Amad Diallo het-trik edərək, “qırmızı şeytanlar”a üç xalı təmin edib. 82-ci dəqiqəyə kimi "müqəddəslər" öndə idi. "Sauthempton" 21 oyundan sonra cəmi 6 xalı var və cədvəlin sonuncusu olaraq qalır.