"Salah 99% "Əl-Hilal"a keçir, van Deyk isə..."

"Liverpul"un cinah oyunçusu Məhəmməd Salah və mərkəz müdafiəçisi Vircil van Deyk bu yay "qırmızılar"la müqavilələri başa çatdıqdan sonra Səudiyyə Ərəbistanının "Əl-Hilal" komandasına keçməyə yaxındırlar.

90deqiqe.Az xəbər verir ki, bu barədə Səudiyyəli idman eksperti Xalid Əl-Şenayf "KSA Sports" açıqlamasında bildirib.

“Bizdə olan məlumata görə, “Əl-Hilal”ın prezidenti Fəhad bin Nafel və Saad Əl-Ləziz (Səudiyyə Peşəkar Futbol Liqasının vitse-prezidenti) hazırda Məhəmməd Salah ilə müqavilənin imzalanmasını yekunlaşdırmaq üçün Londondadırlar.

Salah 99% "Əl-Hilal"ın oyunçusudur və Vircil van Deyk buna çox yaxındır. Hər şey razılaşdırılıb, qalan hər iki futbolçunun müqavilə imzalamasıdır. Bu transferlər yayda, Klublararası Dünya Çempionatından əvvəl baş tutacaq"