“100%-ə qədər sağalmağa çalışdım, amma..."

"Liverpul"un müdafiəçisi İbrahima Konate, ilin əvvəlində dizindən aldığı zədədən sonra qayıtmağa tələsdiyini etiraf edib.

90deqiqe.Az xəbər verir ki, təcrübəli futbolçu bu barədə jurnalistlərə açıqlamasında danışıb.

“100%-ə qədər sağalmağa çalışdım, amma geri qayıtmağa tələsdiyim üçün bacarmadım. Mən bunu komanda üçün etdim. Bu komanda üçün ölməyə hazıram, hər şey qaydasındadır. Dizim tezliklə tam sağalacaq, amma indi də ağrıyır. Mən ağrıkəsicilər üzərində oynayıram. qayıtmağa yaxın idim. Həftə ərzində məşq etməyi planlaşdırırdım, lakin Co Qomezin zədəsini görəndə düşündüm: Yaxşı, daha tez qayıtmalıyam”” 

Çərşənbə axşamı "Liverpul" öz meydanında "Lill"lə Çempionlar Liqası matçı keçirəcək.