“Çelsi” “Mançester Yunayted”in ulduz futbolçusunu istəyir

"Mançester Yunayted"in vingeri Alexandro Qarnaço karyerasını "Çelsi"də davam etdirə bilər.

90deqiqe.Az xəbər verir ki, bu barədə jurnalist Fabrizio Romano "X" sosial şəbəkəsində (keçmiş Twitter) yazıb. 

O London klubunun argentinalı üçün "qırmızı şeytanlar"la danışıqlara başlamağa hazırlaşdığını lakin "Mançester Yunayted"in bu keçid üçün 70 milyon avro istədiyini qeyd edib.

Argentinalı futbolçunun "zadəganlar"a keçməkdə maraqlı olduğu vurğulanır.

Daha əvvəl hücumçu ilə "Napoli"nin maraqlandığı bildirilirdi.

Qarnaço bu mövsüm bütün turnirlərdə 32 oyun keçirib, 8 qol vurub və 5 məhsuldar ötürmə edib. Futbolçunun klubla hazırkı əmək müqaviləsi 2028-ci ilin yayına kimi nəzərdə tutulub. Transfermarkt portalında verilən məlumata görə, futbolçunun bazar dəyəri 50 milyon avrodur.