Premyer Liqa klubunda yeni müqavilə

Yeni Zelandiya millisinin hücumçusu Kris Vud "Nottingem Forest"lə müqaviləsini uzadıb.

90deqiqe.Az xəbər verir ki, bu barədə “meşəçilər”in mətbuat xidməti məlumat yayıb.

Bildirilir ki, tərəflər arasında yeni anlaşma 2027-ci ilin yayına kimi hesablanıb.

Xatırladaq ki, 33 yaşlı Vud 2023-cü ilin əvvəlindən “Nottingem Forest”də çıxış edir. Vud bu mövsüm bütün turnirlərdə 23 oyun keçirib, 13 qol vurub və iki məhsuldar ötürmə edib. Transfermarkt mütəxəssisləri futbolçunun dəyərini 7 milyon avro qiymətləndirir. "Nottingem Forest"in növbəti oyunu yanvarın 25-də "Bornmut"la olacaq. İngiltərə Premyer Liqasının 23-cü turunun matçının Bakı vaxtı ilə saat 19:00-da başlaması nəzərdə tutulub.