"Aston Villa" "Çelsi"nin futbolçusu ilə razılığa gəlib

"Aston Villa" yaxın gələcəkdə müdafiə xəttini gücləndirmək niyyətindədir.

90deqiqe.Az xəbər verir ki, Birmingem klubu müdafiəçi Aksel Disasi ilə şəxsi müqavilənin şərtlərini razılaşdırıb.

Disasi "Aston Villa"ya keçmək istəyir, baxmayaraq ki, onunla digər Avropa komandaları da maraqlanır.

26 yaşlı futbolçunun Villanın baş məşqçisi Unai Emeri ilə söhbəti həlledici olub.

İndi futbolçunun transferi ilə bağlı "Çelsi" və "Aston Villa" arasında razılıq əldə edilməlidir.

2024/2025 mövsümündə Axel Disasi 17 oyun keçirib, iki qol vurub və iki məhsuldar ötürmə edib.