Reşford İstanbul nəhənginə keçməkdən imtina edib

"Mançester Yunayted"in vingeri Markus Reşford "Qalatasaray"a keçməkdən imtina edib.

90deqiqe.Az-ın məlumatına görə, İstanbul klubu bu yaxınlarda futbolçuya 6 aylıq icarə təklifi ilə müraciət etsə də, ingilis futbolçu bundan imtina edib. Reəşfordun Avropanın ən güclü liqalarından birində oynamaq istədiyi üçün bu addımı atdığı bildirilib.

Bundan əvvəl “Vest Hem” komandasının gözlənilmədən Reşford üçün yarışda favorit olması ilə bağlı məlumatlar yayılmışdı.

Xatırladaq ki, Reşford sonuncu dəfə dekabrın 7-də meydana çıxmışdı. O vaxtdan bəri futbolçu yalnız bir dəfə “Mançester Yunayted”in heyətində yer alıb, lakin bütün oyunu ehtiyat oyunçular skamyasında keçirib.