"Tottenhem" "Bavariya"nın futbolçusunu 60 milyon avroya transfer etməyə razılaşıb

"Tottenhem" qış transfer pəncərəsinin son günlərində heyətini gücləndirmək istəyir.

 90deqiqe.Az "L’Equipe"ə istinadən xəbər verir ki, London klubu hücumçu Mathis Telin transferi ilə bağlı “Bavariya” ilə razılığa gəlib.

Klublar razılığa gəliblər, amma indi qərarı Telin özü verməlidir. 19 yaşlı futbolçu düşünməyə vaxt ayırıb. Fransız futbolçu razılıq verəcəyi təqdirdə Premyer Liqa klubu bu keçid üçün 60 milyon avro  ödəyəcək.

2024/2025 mövsümündə Mathis Tel "Bavariya"nın heyətində 14 matçda iştirak edib. Hücumçu heç vaxt bir qol vurmasa da, komanda yoldaşına bir məhsuldar ötürmə edə bilib. Telin Münhenlə müqaviləsi 2029-cu ilin ortalarına qədərdir.