"Arsenal" iki futbolçusu ilə müqaviləni uzadır

"Arsenal" klubu iki yüksələn ulduzun müqaviləsini uzatmağı planlaşdırır.

90deqiqe.Az xəbər verir ki, söhbət 17 yaşlı Ethan Nvaneri və 18 yaşlı Mayls Lyuis-Skellidən gedir.

"Topçular" qış transfer pəncərəsi bağlandıqdan sonra hücumameyilli yarımmüdafiəçi və sol müdafiəçi ilə yeni müqavilələr bağlamağı planlaşdırır. Artıq gənc futbolçularla danışıqlar aparılır.

Ethan Nvaneri London nəhənglərinin əsas komandasında 24 oyunda 7 qol vurub. Mayls Lyuis-Skelli 19 oyunda bir dəfə fərqlənib. Transfermarkt portalı futbolçuların dəyərini müvafiq olaraq 30 və 10 milyon avro qiymətləndirir.