"Mən onu bura altı ay üçün dəvət etməmişəm"

"Tottenhem"in baş məşqçisi Ange Postecoglou klubun "Bavariya"dan hücumçu Mathis Teli satın almaq niyyətində olduğunu açıqlayıb.

90deqiqe.Az xəbər verir ki, jurnalist Alasdair Gold təcrübəli çalışdırıcının dediklərini belə çatdırıb.

“O, “Tottenhem”in oyunçusu olacaq, dostum. Düşünürəm ki, qarşıdakı altı ayda o, "Tottenhem"də oynayacağını hamıya göstərəcək.Mən onu bura altı ay üçün dəvət etməmişəm".

Fransız futbolçu satın alma opsionu ilə mövsümün sonuna qədər London klubuna icarəyə verilib. Əldə olan məlumata görə, İngiltərə klubu 19 yaşlı futbolçunu təxminən 60 milyon avroya ala bilər.