“Bizim transferlərdə bəzi səhvlərimiz olub"

"Mançester Yunayted"in baş məşqçisi Ruben Amorim bu qış transfer pəncərəsində klubun transfer siyasətindən danışıb.

90deqiqe.Az xəbər verir ki, "Mirror" portuqaliyalı çalışdırıcının dediklərini belə çatdırıb.

“Biz transferlərə çox diqqətliyik, çünki keçmişdə bəzi səhvlərimiz olub. Bu, mənim qərarımdır, ona görə də müəyyən risk alırıq, amma bu, bizim yolumuzdur. Mənim nə etmək istədiyim barədə dəqiq təsəvvürüm var və bu riskləri götürürəm, çünki bu, sonda öz bəhrəsini verəcək”

Xatırladaq ki, qış transfer pəncərəsinin sonunda forvard Markus Reşford mövsümün sonuna qədər satın alma opsiyasıyla icarə əsasında "Aston Villa"ya keçib. Bundan əlavə, braziliyalı vinger Antoni yanvarda “Betis”ə icarəyə verilib.

Keçirilən 24 oyundan sonra “Mançester Yunayted” 29 xalla Premyer Liqanın turnir cədvəlində 13-cü yerdədir.