Martinelli uzunmüddətli sıradan çıxdı

"Arsenal"ın vingeri Qabriel Martinelli İngiltərə Liqa Kubokunda "Nyukasl"la oyunda zədələnib.

90deqiqe.Az "The Athletic"ə istinadən xəbər verir ki, ilkin müayinəyə görə Martinelli zədə səbəbindən bir aydan çox müddətə yaşıl meydanlardan kənarda qalacaq. 23 yaşlı oyunçunun meydana qayıtması təxminən martın ortalarında baş tuta bilər. Bu o deməkdir ki, Qabriel Topçuların bir sıra matçlarını buraxacaq.

Martinellinin Bukayo Saka və Qabriel Xesusun sırasına qoşulması “Arsenal” üçün əsl zərbədir.

"Arsenal"ın növbəti oyunu fevralın 15-də Premyer Liqada "Lester"lə səfərdə olacaq.