"Savio ən yaxşı oyunçudur, amma..."

"Mançester Siti"nin baş məşqçisi Pep Qvardiola cinah oyunçusu Savionun çıxışı ilə bağlı açıqlama verib.

90deqiqe.Az xəbər verir ki, “City Xtra"  ispan mütəxəssisin dediklərini belə çatdırıb.

"İngiltərədəki ilk mövsümündə Savionun çıxışı təsir edici olmuşdu. Bunun belə təsir edəcəyini gözləmirdim! Mən "Jirona"dan bilirdim ki, Savio ən yaxşı oyunçudur, amma onun dərhal bizim üçün bu qədər faydalı olacağını düşünmürdüm”

20 yaşlı futbolçu şənbə günü Premyer Liqada "Nyukasl"ı 4:0 hesabı ilə darmadağın edən matçda bir məhsuldar ötürmə ilə yadda qalıb.

"Mançester Siti" Savionu keçən yay Fransanın "Troyes" klubundan alıb. Cinah oyunçusu cari Premyer Liqada 20 matçda 1 qol və 7 məhsuldar ötürmə edib.