"Mançester Yunayted" Poqbanı geri qaytara bilər

"Mançester Yunayted" klubu sabiq yarımmüdafiəçisi Pol Poqbanı geri qaytarmağı düşünür.

90deqiqe.Az "Yahoo Sports"a istinadən xəbər verir ki,  "qırmızı şeytanlar" fransız futbolçuya 3 aylıq qısamüddətli müqavilə təklif edə bilər. Buna səbəb komandadakı zədəlilərin sayının artmasında olub.

Bildiyiniz kimi, Poqbanın dopinqdən diskvalifikasiya müddəti martın 10-da başa çatır.

Fransız məşqçi bu prosedurdan sonra meydanlara qayıda biləcək. Son aylar mətbuat Paulu bir sıra klublarla əlaqələndirir. Onu da xatırladaq ki, Poqba diskvalifikasiya müddəti bitdikdən 5 gün sonra 32 yaşını qeyd edəcək. Pol Poqba “Mançester Yunayted”də 233 oyun keçirib, 39 qol vurub və komanda yoldaşlarına 48 qol ötürməsi edib.