"Real" "Liverpul"un futbolçusunu hədəfə alıb

 "Liverpul"un müdafiəçisi Vircil van Deyk Premyer Liqadan İspaniya La Liqasına keçə bilər.

90deqiqe.Az  “TBR Football”a istinadən xəbər verir ki, "Real Madrid" 33 yaşlı futbolçu ilə müqavilə bağlamaqda maraqlıdır və yay mövsümündə onunla müqavilə bağlamaq niyyətindədir.

Van Deyk 2025-ci ilin yayında "Liverpul"la müqaviləsi bitdiyi üçün azad agent olacaq. Van Deyklə "Bavariya" və PSJ-nin də maraqlandığı bildirilir.

Niderlandlı futbolçu 2018-ci ildən Mersisayd klubunda çıxış edir.Van Deyk bu mövsüm mersisaydlıların heyətində 35 oyun keçirib, 3 qol vurub və bir məhsuldar ötürmə edib. Müdafiəçinin transfer dəyəri 28 milyon avro olaraq qiymətləndirilir.