"UEFA-dan başqa heç kimin bundan xəbəri yoxdur"

Avropa Futbol Assosiasiyaları İttifaqının (UEFA) prezidenti Aleksander Çeferin İspaniya millisinin və “Mançester Siti”nin yarımmüdafiəçisi Rodrinin “Qızıl top”a layiq olub-olmaması ilə bağlı açıqlama verib.

90deqiqe.Az xəbər verir ki, "Delo.si" funksionerin dediklərini belə çatdırıb.

“Tamamilə Rodri, Avro-2024-ü qazanan İspaniya millisinin və son illərdə demək olar ki, hər şeyi qazanan "Mançester Siti" komandasının ruhu idi. O, hücumçulardan daha az qol vurur və buna görə də adi insana daha az görünə bilər, lakin ekspertlər onu qiymətləndirirlər.

Sonda 100-ə yaxın jurnalist səs verdi ki, bu da böyük rəqəmdir. ERodrinin mədəni, təvazökar və mehriban insan olması da vacibdir. Mən hadisə günü bildim ki, o, “Qızıl top”u bilərəkdən gizli saxladıqları üçün qazanacaq.UEFA-dan başqa heç kimin də bundan xəbəri yoxdur".

Xatırladaq ki, 2024-cü il oktyabrın 28-də Rodrinin mükafata layiq görüldüyü “Qızıl top” mərasimi keçirilib. Səsvermədə ikinci yeri “Real Madrid”in hücumçusu Vinisius tutub.