Salah Premyer Liqada bunu bacaran ilk oyunçu oldu

İngiltərə Premyer Liqasının 26-cı turunda “Mançester Siti” ilə səfər matçında həm qol vuran həm də məhsuldar ötürmə edən “Liverpul”un hücumçusu Məhəmməd Salah yeni rekorda imza atıb.

90deqiqe.Az “Squawka”ya istinadən xəbər verir ki, misirli forvard Premyer Liqanın iki mövsümündə 40+ məhsuldar ötürmə edən ilk futbolçu olub.

Cinah hücumçusu buna ilk dəfə 2017/2018 mövsümündə 42 xal toplayaraq nail olub. Futbolçunun hazırda İngiltərə Premyer Liqasında 25 qol və 16 məhsuldar ötürmə var.

Bu mövsüm Salah klubda bütün turnirlərdə 38 oyun keçirib, 30 qol vurub və 21 məhsuldar ötürmə edib.