Slot “Liverpul”un “Arsenal” üzərindəki üstünlüyünü şərh edib

"Liverpul"un baş məşqçisi Arne Slot komandasının İngiltərə Premyer Liqasının turnir cədvəlində inamlı liderliyini şərh edib.

90deqiqe.Az xəbər verir ki, niderlandlı mütəxəssis bu barədə jurnalistlərə açıqlamasında danışıb.

 “İstənilən digər çempionatda bu, çox rahat üstünlük olardı. Amma APL bu baxımdan istisnadır. Burada hər matçda sizə meydan oxumaq olar. Bəli, biz yaxşı vəziyyətdəyik, lakin unutmaq olmaz ki, “Arsenal”ın əlində oyun var”

“Qırmızılar” ikinci pillədəki “Arsenal”ı 11 xal qabaqlayır. “Liverpul” son oyununu səfərdə “Mançester Siti” ilə keçirib. Mersisaydlılar 2:0 hesabı ilə qalib gəliblər.