"Old Trafford üçün darıxıram"

"Mançester Yunayted"in keçmiş baş məşqçisi Erik ten Haq keçmiş komandasının ev stadionunda atmosfer üçün darıxdığını etiraf edib.

90deqiqe.Az xəbər verir ki, jurnalist Fabrizio Romano niderlandlı çalışdırıcının dediklərini belə çatdırıb.

 "Əgər darıxdığım bir şey varsa, o da "Old Trafford"dur".

Ten Haq 2022-2024-cü illərdə "Mançester Yunayted"i çalışdırıb. Onun rəhbərliyi altında “qırmızı şeytanlar” İngiltərə Kubokunu və İngiltərə Liqa Kubokunu qazanıb. Hazırda “Mançester Yunayted”i portuqaliyalı baş məşqçi Ruben Amorim idarə edir. Ten Haq əvvəllər "Ayaks", PSV, "Tvente", "Bavariya" gənclər komandası və digər komandalarda çalışıb.