Van Nistelroyun köməkçiləri istefaya göndərildi

"Lester Siti"nin baş məşqçisi Rud van Nistelroyun heyətində olan Ben Douson və Denni Alkok klub tərəfindən istefaya göndərilib.

90deqiqe.Az xəbər verir ki, bu barədə İngiltərə klubu rəsmi saytında məlumat yayıb.

Mütəxəssislərin qovulması klubun zəif nəticələrindən sonra baş verib.

Xatırladaq ki, "Lester" Premyer Liqada ev matçlarında qol vurmadan məğlubiyyətlərin sayına görə antirekord vurmuşdu. “Tülkülər” məşqçilərə klubdakı əməyinə görə təşəkkür edib və onlara gələcəkdə uğurlar arzulayıb. "Lester" Premyer Liqanın cari mövsümündə 26 matçda 17 xal toplayıb və turnir cədvəlinin sonuncudan əvvəlki, 19-cu pilləsində qərarlaşıb. Van Nistelroyun yetirmələri növbəti matçını fevralın 27-də “Vest Hem”ə qarşı keçirəcək.