“Nunes son məşqdə inanılmaz idi”

"Liverpul"un baş məşqçisi Arne Slot komandanın hücumçusu Darvin Nuneslə bağlı fikirlərini bölüşüb.

90deqiqe.Az xəbər verir ki, niderlandlı mütəxəssis bu barədə jurnalistlərə açıqlamasında danışıb.

“O, dünənki məşqdə effektivliyi baxımından inanılmaz idi. Ümid edirəm ki, o bunu davam etdirə bilər. Bir oyunçu hər şeyi verməsə, bunu qəbul edə bilmərəm. Bu aydındır. Bir dəfə götürə bilərəm, amma iki dəfə çox olur. Ona görə də biz bunu müzakirə etdik”

Bu mövsüm 25 yaşlı uruqvaylı bütün turnirlərdə 35 oyun keçirib, 6 qol vurub və 5 məhsuldar ötürmə edib. "Liverpul" fevralın 26-da "Nyukasl"ı qəbul edəcək. Görüşün Bakı vaxtı ilə saat 00:15-də başlaması planlaşdırılır.