"Bukayo və Qabriel indi yaxşı görünürlər, lakin..."

"Arsenal"ın baş məşqçisi Mikel Arteta cinah oyunçuları Bukayo Saka və Qabriel Martinellinin qayıtması ilə bağlı açıqlama verib.

90deqiqe.Az xəbər verir ki, ispan mütəxəssis bu barədə "Nottinqhem Forest"lə matçdan (0:0) sonra jurnalistlərə açıqlamasında danışıb.

“Milli komandanın oyunları üçün fasilədən sonra qayıdacaqlarmı? Mən belə düşünürəm, amma gəlin görək sağalma gələn həftələrdə necə olacaq. Biz onların hər ikisini yavaş-yavaş oynatmalı olacağıq, çünki onlar çoxdan yoxa çıxıblar. Bukayo və Qabriel indi yaxşı görünürlər, lakin geri dönüş haqqında danışmaq hələ tezdir. Onların vəziyyətini müzakirə etmək üçün sabah iclas keçirəcəyik.Yəqin ki, Qabi daha əvvəl oynaya biləcək"

İngilis futbolçu dekabrdan, braziliyalı isə fevralın əvvəlində zədələnib. Hər iki futbolçunun tezliklə zədələrinin sağalacağı gözlənilir.