"MY” və “Napoli” hücumçu mübadiləsi edir?

"Mançester Yunayted" yay transfer pəncərəsi üçün heyətini gücləndirmək variantlarını araşdırır.

90deqiqe.Az "Calcio Mercato"ya istinadən xəbər verir ki, "qırmızı şeytanlar" hazırda icarə əsasında "Qalatasaray"da çıxış edən hücumçu Viktor Osimhen üçün "Napoli"yə əlavə pulla forvard mübadiləsi təklif edib.

İngiltərə Premyer Liqa klubu nigeriyalı forvardın qarşılığında Rasmus Höylund və 40 milyon avronu Neapol təmsilçisinə göndərməyə hazırdır.

26 yaşlı futbolçu bu mövsümü icarə əsasında "Qalatasaray"da keçirir.Osimhen bu mövsüm Türkiyə Superliqasında 18 oyuna çıxıb, 14 qol vurub və 4 məhsuldar ötürmə verib.

22 yaşlı Höylunda gəlincə, o, ikinci mövsümdür “Mançester Yunayted”də çıxış etsə də, ümidləri doğrultmayıb.