"Kristal Pelas"ın futbolçusu dəhşətli zədədən sonra açıqlama verib

"Kristal Pelas"ın hücumçusu Jan-Filip Mateta İngiltərə Kubokunda "Millvall"la oyunda ciddi zədə alıb.

90deqiqe.Az-ın məlumatına görə, futbolçunun başına rəqib komandanın qapıçısı təpik zərbəsi endirib. Nəticədə Mateta dəyişdirilib və təcili olaraq xəstəxanaya yerləşdirilib.

Oyundan sonra "qartallar"ın meneceri Oliver Qlasner futbolçunun qulağının "dəhşətli göründüyünü" deyib. Bu arada Matetanın özü sosial şəbəkə vasitəsilə açıqlama verib.

“Xoş mesajlarınız üçün hamınıza təşəkkür edirəm. Mən yaxşıyam. Ümid edirəm ki, tezliklə qayıdacağam. Və mən həmişəkindən daha güclü olacağam. Komandanın oğlanları əladır, bu gün əla iş gördülər".

"Kristal Pelas" "Millvall"a 3:1 hesabı ilə qalib gələrək FA Kubokunun 1/4 finalına yüksəlib.