"Çelsi" Mareska ilə bağlı qərar verib

“Çelsi” komandasının rəhbərliyi komandanın baş məşqçisi Enzo Mareska ilə bağlı planları barədə qərar verib.

90deqiqe.Az-ın məlumatına görə, nəticələrin aşağı düşməsinə baxmayaraq, “təqaüdçülər” mütəxəssisi işdən çıxarmaq barədə düşünmürlər.

London klubunun rəhbərləri Mareskaya güvənir və onun uğuruna inanırlar.

45 yaşlı italiyalı keçən yay "Çelsi"nin baş məşqçisi vəzifəsinə keçib. Tərəflər arasında mövcud müqavilə 2029-cu ilin iyunun sonunda başa çatır. İngiltərə Premyer Liqasının 27 turundan sonra London komandası turnir cədvəlinin beşinci pilləsində qərarlaşıb. "Çelsi"nin növbəti oyunu "Lester"ə qarşı olacaq.