"Mançester Yunayted" müdafiəçisi ilə yollarını ayıra bilər

İsveçli müdafiəçi Viktor Lindelof yay transfer pəncərəsində "Mançester Yunayted"i tərk edə bilər.

90deqiqe.Az " Tribal Football"a istinadən xəbər verir ki, futbolçu azad agent kimi mankunian nəhəngindən ayrılmağa yaxındır. 

Onun 2013-2017-ci illərdə forma geyindiyi "Benfika" klubu keçmiş futbolçusunu transfer etməkdə maraqlıdır. Lissabon təmsilçisi artıq futbolçunun agenti ilə danışıqlara da başlayıb.

30 yaşlı oyunçunun "qırmızı şeytanlar"la hazırkı müqaviləsi 2024/2025 mövsümünün sonunda başa çatır.

Lindelof bu mövsüm Premyer Liqada cəmi 6 oyun keçirib və bir sarı vərəqə alıb.