Nvaneri ən yaxşı oyunçu seçilib

"Arsenal"ın yarımmüdafiəçisi Ethan Nvaneri klubun fevral ayının ən yaxşı oyunçusu seçilib.

90deqiqe.Az xəbər verir ki, bu barədə London klubunun rəsmi saytı məlumat yayıb. 

"Arsenal"ın 17 yaşlı gənci 54% səs toplayıb, müdafiəçi Qabriel Maqalhaes, yarımmüdafiəçi Mikel Merino və sağ cinah müdafiəçisi Jurrien Timberi qabaqlayıb.

Fevral ayında Ethan Nvaneri İngiltərə Premyer Liqasında "Arsenal"ın heyətində dörd, İngiltərə Liqa Kubokunda isə bir oyun keçirib. Yarımmüdafiəçi Premyer Liqanın 24-cü turunda “Mançester Siti”yə (5:1) qol vurub, 25-ci turun “Lester”lə oyununda (2:0) məhsuldar ötürmə edib.

Dünən UEFA Çempionlar Liqasının 1/8 final mərhələsinin ilk oyununda “Arsenal” səfərdə PSV-ni darmadağın etmişdi (7:1). Qollardan birini Ethan Nvaneri vurub.