"Vidiç ilə oynamaq istərdim"

"Mançester Yunayted"in müdafiəçisi Lisandro Martinez komandanın tarixində hansı futbolçu ilə oynamaq istəməsi ilə bağlı sualı cavablandırıb.

90deqiqe.Az xəbər verir ki, "JD Football" futbolçunun dediklərini belə çatdırıb.

"Vidiç. O, böyük oyunçudur. Yüksək səviyyəli intellekti, güclü mentaliteti və ehtirası ilə tanınır. Qorxusu yoxdur. Beləliklə, bəli, Vidiçi seçərdim "

Nemanya Vidiç 2006-2014-cü illərdə "qırmızı şeytanlar"da çıxış edib. Serbiyalı müdafiəçinin karyerasında sonuncu klubu 2016-cı ildə tərk etdiyi "İnter" olub. “Mançester Yunayted”də olduğu müddətdə Vidiç 300 matçda iştirak edib, 21 qol vurub və 4 məhsuldar ötürmə edib.