“Mançester Yunayted” yeni stadion tikəcək

“Mançester Yunayted” "Old Trafford" ərazisində yeni stadion tikməyi planlaşdırır.

90deqiqe.Az-ın məlumatına görə, bu barədə klubun rəsmi saytı məlumat yayıb.

Bu o deməkdir ki, köhnə futbol meydançası söküləcək. Artıq yeni stadionun dizaynı bəlli olub. Söhbət 100 min tamaşaçı tutumlu arenadan gedir. Stadion təkcə yağış suyu deyil, həm də enerji toplayan nəhəng çətirlə əhatə olunacaq.

“İndiki stadionumuz son 115 ildə bizə möhtəşəm xidmət göstərsə də, artıq dünya idmanının ən yaxşı arenalarından geri qalır.Yeni stadionu yaxınlıqda inşa etməklə, biz «Old Trafford»un ruhunu qoruyaraq, azarkeşlərin təcrübəsini tamamilə dəyişdirəcək müasir bir stadion yaradacağıq". - deyə, klubun sahibi  Jim Ratkliff qeyd edib.

“Mançester Yunayted” Avropa Liqasında növbəti ev oyununu martın 13-də “Real Sosyedad”a qarşı keçirəcək.