“Əgər kimsə mənim gələcəyimi bildiyini deyirsə..."

"Liverpul"un müdafiəçisi Vircil van Deyk gələcəyi ilə bağlı fikirlərini bölüşüb.

90deqiqe.Az xəbər verir ki, "Mirror" niderlandlı futbolçunun dediklərini belə çatdırıb. 

"Mənim gələcəyim? Bu nöqtədə nə olacağı barədə heç bir fikrim yoxdur. Danışıqlar dayandırılmayıb. Mövsümün bitməsinə 10 oyun qalıb və bütün diqqətimin cəmləşdiyi yerdədir. Xəbər varsa, eşidəcəksiniz. Nə olacağını heç bilmirəm.Əgər kimsə bildiyini söyləyirsə, üzünə yalan danışır"

Hazırkı müqavilə hollandiyalını cari mövsümün sonuna qədər Mersisayd klubu ilə bağlayır.

Xatırladaq ki, çərşənbə axşamı "Liverpul" öz meydanında PSJ-yə penaltilər seriyasında uduzaraq Çempionlar Liqasından kənarda qalıb.