Slot van Deykin "Liverpul"dakı gələcəyi ilə bağlı danışdı

"Liverpul"un baş məşqçisi Arne Slot komandanın müdafiəçisi və kapitanı Vircil van Deykin komandadakı gələcəyi haqda danışıb. 

90deqiqe.Az xəbər verir ki, jurnalist Fabrizio Romano mütəxəssisin dediklərini belə çatdırıb. 

“Nə deyəcəyimi bilmirəm... Demək istədiyim tək şey onun gələn mövsüm də burada qalmasını istəyirəm.Mən bu məsələlər və şayiələrlə məşğul deyiləm".

Xatırladaq ki, futbolçunun klubla müqaviləsi 2025-ci il iyunun 30-da başa çatır.

Əlavə edək ki, van Deyk 2018-ci ildə “Sauthempton”dan “Liverpul”a keçmişdi. Bu müddət ərzində o, "qırmızılar"la klub səviyyəsində hər cür titul qazanıb. Bu mövsüm niderlandlı bütün klub yarışlarında 40 oyun keçirib, 3 qol vurub və bir məhsuldar ötürmə edib. "Liverpul" martın 16-da Liqa Kubokunun finalında "Nyukasl"la qarşılaşacaq və mövsümün ilk titulunu rəsmən təmin edə bilər.