Moyes Premyer Liqada ayın ən yaxşı baş məşqçisi kimi Qvardiolanı geridə qoyub

“Everton”un baş məşqçisi Devid Moyes İngiltərə Premyer Liqasının fevral ayının ən yaxşı baş məşqçisi seçilib.

90deqiqe.Az xəbər verir ki, bu barədə Premyer Liqanın rəsmi saytı məlumat yayıb.

"Everton" ötən ay Premyer Liqada beş oyun keçirib. Onlarda Moyesin komandası "Lester" (4:0) və "Kristal Pelas"ı (2:1) məğlub edib, həmçinin üç dəfə - "Liverpul" (2:2), "Mançester Yunayted" (2:2) və "Brentford"la (1:1) heç-heçə edib.

David Moyes, Premyer Liqada ayın baş məşqçisi mükafatını qazanaraq Pep Qvardiolanı geridə qoyub.

Mükafatı yalnız Arsen Venger (15) və Aleks Ferqyuson (27) daha çox qazanıb. Onu da qeyd etmək lazımdır ki, Moyes 2013-cü ilin martından bəri ilk dəfə Premyer Liqada ayın meneceri mükafatını qazanıb.