“Mançester Siti” rəhbərliyi Qvardiolanı istefaya göndərməyə qərar verib

"Mançester Siti" klubu baş məşqçi Xosep Qvardiolanı istefaya göndərmək qərarına gəlib.

90deqiqe.Az-ın "E-Noticies"ə istinadən verdiyi xəbərə görə, klub rəhbərliyi bu mövsüm başa çatdıqdan sonra ispan mütəxəssislə yollarını ayırmaq qərarına gəliblər. "Şəhərlilər" artıq yeni baş məşqçi axtarışına başlayıblar.

Qeyd edək ki, “Mançester Siti”nin yeni baş məşqçi postunun favoritinin hazırda İtaliyanın “Komo” klubunu çalışdıran Sesk Fabreqas olduğu bildirilir.

Xatırladaq ki, “Mançester Siti” bu mövsüm zəif çıxış edir. Xosep Qvardiolanın komandası Premyer Liqa cədvəlində yalnız beşinci yerdədir və artıq Çempionlar Liqasından kənarlaşdırılıb. Pley-off mərhələsinin ilk turunda “Siti” məcmu hesabla "Real Madrid"ə uduzub.