Premyer Liqa növbəti mövsümdən Artetanın tənqid etdiyi "Puma" topları ilə oynayacaq

İngiltərə Premyer Liqasında 2025/2026 mövsümündə istifadə olunacaq top müəyyənləşib.

90deqiqe.Az xəbər verir ki, turnirin bu mövsüm İngiltərə Liqa Kubokunda istifadə olunan Almaniyanın "Puma" şirkətinin topları ilə oynanılacaq.

"Puma", 2025/26 mövsümünün əvvəlindən etibarən İngiltərə Premyer Liqasının rəsmi maç topu olacaq.

Daha əvvəl  "Arsenal"ın baş məşqçisi Mikel Arteta bu topları tənqid etmişdi.

Premyer Liqa turnir cədvəlinə 70 xalla "Liverpul" başçılıq edir. “Arsenal” 58 xalla ikinci yerdədir. İlk üçlüyü 54 xalla Nottingem tamamlayır. İlk 5-liyə 49 xalla "Çelsi" və 48 xalla "Mançester Siti" daxildir.