"Vulverhempton"un hücumçusu iki oyunluq cəzalanıb

"Vulverhempton"un hücumçusu Matheus Cunha İngiltərə kubokunda "Bornmut"un müdafiəçisi Miloş Kerkesə vurduğu zərbəyə görə əlavə iki oyunluq cəza alıb.

90deqiqe.Az-ın məlumatına görə, bu barədə qərar İngiltərə Futbol Federasiyası tərəfindən verilib.

Bundan əlavə, braziliyalı hücumçu diskvalifikasiyaya görə artıq iki matçı buraxdığı üçün 50 min funt-sterlinq cərimə ödəmək məcburiyyətində qalacaq. Forvard İngiltərə Premyer Liqasının 28-ci və 29-cu turlarının “Everton” (1:1) və “Sauthempton”la (2:1) qarşılaşmasında iştirak etməyib.

Xatırladaq ki, Matheus Cunha İngiltərə kubokunun 1/8 finalında "Vulverhempton"un "Bornmut"a penaltilər seriyasında uduzduğu matçda meydandan qovulmuşdu. Matçın 120-ci dəqiqəsində braziliyalı hücumçu "Bornmut"un futbolçusu Miloş Kerkezin üzünə yumruq atdığı üçün birbaşa qırmızı vərəqə alıb. Qarşıdakı turlarda “Vulverhempton” “Vest Hem” və “İpsviç”lə qarşılaşacaq.