İsak növbəti mövsüm üçün klub seçib

"Nyukasl Yunayted"in hücumçusu Aleksandr İsak yay transfer pəncərəsində hara gedəcəyinə qərar verib.

90deqiqe.Az-ın "Todofichajes"ə istinadən verdiyi xəbərə görə, 25 yaşlı forvard karyerasını "Arsenal"da davam etdirmək istəyir. Bildirilir ki, “sağsağanlar” isveçlinin transferi məsələsində heç bir güzəştə getməyəcək, çünki o, onların əsas sərvətidir.

 “Topçular” isə İsakı transfer etmək üçün çox güman ki, tarixlərində rekord məbləğ ödəməli olacaqlar. "Liverpul" da futbolçu ilə maraqlanmağa davam edir.

Bu mövsüm hücumçu bütün turnirlərdə 33 oyuna çıxıb, 23 qol vurub və 5 məhsuldar ötürmə edib.