Kukurella Premyer Liqada mart ayının ən yaxşı qolu mükafatına namizəd olub

İngiltərə çempionatında ayın ən yaxşı qoluna iddialılar siyahısına "Çelsi"nin müdafiəçisi Mark Kukurella daxil edilib. 

90deqiqe.Az-ın məlumatına görə, ispan oyunçunun martın 9-da “Lester”ə vurduğu qol “Çelsi”yə 1:0 hesablı qələbə qazandırıb. 

Qələbə qazanmaq üçün əsas favoritlər müvafiq olaraq Bruno Fernandeş ("Mançester Yunayted") və Ömər Marmuşun ("Mançester Siti")  "Lester "və "Brayton"a qarşı vurduğu qollardır.

Həmçinin Markus Tavernier ("Bornmut"), Deklan Rays ("Arsenal"), Pervis Estupinyan ("Brayton"), Entoni Elanqa ("Nottingem Forest") və Yens Kajuste ("İpsviç") namizəd olublar.