“Mançester Siti” İngiltərə Kubokunda unikal nailiyyətə imza atıb

"Mançester Siti" klubu İngiltərə Kuboku tarixində ardıcıl yeddi mövsümdə yarımfinala yüksələn ilk komanda olub.

90deqiqe.Az xəbər verir ki, bu barədə "Squawka" məlumat yayıb.

Turnirin yarımfinalında “Siti” “Nottingem Forest”lə qarşılaşacaq. İkinci yarımfinalda “Aston Villa” və “Kristal Pelas” qarşılaşacaq.

Dünən İngiltərə kubokunun 1/4 finalında "Mançester Siti" "Bornmut"u məğlub edib. Komandalar “Vitaliti” stadionunda ("Bornmut", İngiltərə) qarşılaşıblar. Hakimin start fiti Bakı vaxtı ilə saat 19:30-da səslənib. Qonaqlar 2:1 hesabı ilə geri dönüş qələbəsini qazanıblar.

Hazırda İngiltərə Kubokunun qalibi “Mançester Yunayted”dir. Son yarışın finalında “Qırmızı şeytanlar” “Mançester Siti”yə 2:1 hesabı ilə qalib gəlib. İngiltərə Kubokunda ən uğurlu klub bu kuboku 14 dəfə qazanan “Arsenal”ıdır.